ខ្សែប្រយុទ្ធវ័យក្មេង Erling Haaland របស់ក្លឹប Borussia Dortmund ទំនងជាមិនអាចផ្ទេរមក Barcelona នារដូវក្តៅខាងមុខនេះឡើយនេះបើតាមសម្តីរបស់ប្រធានក្លឹបលោក Joan Laporta ។

លោក​ Laporta បានបញ្ជាក់ថា ៖​ "ក្លឹបនិងមិនចុះកុងត្រាយកកីឡាកររូបណាដែលអាចធ្វើអោយប៉ះពាល់ដល់វិបត្តិហិរញ្ញវត្ថុរបស់ក្លឹបឡើយ
។ សម្រាប់ខ្ញុំក្លឹបគឺជាជម្រើសដំបូងដែលខ្ញុំត្រូវគិតគូរ ។ យើងនិងមិនចុះកុងត្រាយកកីឡាកររូបណាដែលមានប្រាក់ពលកម្មលើសពីការគ្រោងទុករបស់យើងឡើយ ។​ នេះគឺជាគម្រោងរបស់ក្លឹបនាពេលបច្ចុប្បន្ន​និងពេលខាងមុខ​ " ។

គួរបញ្ជាក់ថា  Haaland​ ត្រូវបានគេរាយការណ៍ថានិងអាចចាកចេញពី Borussia Dortmund នារដូវក្តៅខាងមុខនេះហើយ ខណៈមានក្លឹបជាច្រើនក៏កំពុងចាប់អារម្មណ៍លើរូបគេផងដែរ ៕

ប្រភព ៖ Fabrizio Romano